Money, Happy & Bingo : 十二踏雪

新blog

2007-05-13T13:32:00.000+08:00

很久沒有update這裡，原因是實在難以同時應付兩blog，所以，關心 MHB的朋友，往後請移玉步喇~~~

http://hk.myblog.yahoo.com/floramhb

精靈貓!

2007-01-21T12:04:00.000+08:00

每個爸媽心中最可愛的小朋友一定是自己的仔女。ET也不例外，時常覺得３位主子零舍醒目精靈，但理智的ET, 有時也會懷疑自己是否把主子幻想得太人性化了。。。不過到最近，主子的智慧終得到第三者的認同了。
上兩個星期，因與鐘點就不到時間，所以她都是在我上班的時候來我家打掃。到今天我們才有碰面的機會，她第一件事就是和我說：你的貓真係醒到不得了~~~

原來，那天她不小心碰到了”警鐘”，於是管理員按門查看究竟，當門鐘響時，芬姨專心打掃中，她隱約聽到門鍾，但又不太確認，而眼前看見的是３位主子企在大門前，而”黃貓”（芬姨口中的黃貓是money)更眼神肉緊的看著芬姨，她覺得"黃貓”的表情直情係想”捉住佢隻手”叫佢去開門似的。憑主子的動作和表情，芬姨知道主子正在”通知”她門鐘響，要開門。

當芬姨講到此時，Money仔正在極力”企起身”，把手遞給芬姨，示意要kiss芬姨和她打招呼，芬姨也盛情難卻"謀”底身接受”黃貓”的厚愛，此情此景，ET真的很想拍下照片，可惜動物的真情真意就是這麼難捕捉，這時拿相機，那時已走到老遠，他是不會企定擺pose比你影的。
當芬姨洗缸時，又說到:”灰貓(即Happy)都好醒，我果日清緊去水位ｄ殘餘物，灰貓係咁聞，我清完，佢仲係咁聞，跟住我再清，原來仲有少少野積住，我清埋果餘下少少之後，灰貓就無再聞走開去喇，佢一定係知道ｄ野未清晒所以係咁聞要我清埋佢啦!"
由於黑貓(即係bingo仔）太怕羞，所以暫時芬姨仍未發現到佢既個人之處，但ET認為Bingo仔最識看人面色，因為每當ET盤算怎樣去”強抱”他時，縱使ET的表情有多鬆容，都會被Bingo仔看穿ET的詭計而讓他先逃之夭夭。

芬姨最後說：佢地咁醒目，真係好屎開心!!!

黃貓(Money)：我係呢到既大掌櫃，幫主日頭出街打獵搵食既時候，呢頭家就係我話事，你地要認住我!
灰貓(Happy)：呢個大佬好喜歡話事，我就無咩所謂，最好唔好煩我，最重要係幫主錫我就得喇。
黑貓(Bingo):幫主太少時間係屋企，只係投靠佢一個係唔夠架，所以我都要尊重大掌櫃，因為佢先係屋企真正既長註管家!

爭床。。。

2006-12-23T12:34:00.000+08:00

冬天到了，媽咪上床睡無幾耐，貓地好快就會跟住上床，本身一將雙人床，一個人+3隻貓睡應該係絕對夠空間，但我懷疑最近有貓想挑戰大佬地位，每晚上床都要撩大佬打架。。。
Money仔，你唔好讓個細佬，要力保不失呀!!!

媽咪:Bingo仔，枉Money仔平日咁睇你，你竟然貪心妄想挑戰Money仔。。。

God of Naughty!

2006-11-19T16:20:00.000+08:00

我想幫Money仔改名，佢應該叫naughty，唔係money，因為成日整跌屋企既臘祝，叫極都要整跌，我呢排都成日叫佢做曳人，無叫佢做money好耐喇，吼!

God of Naughty已經降臨到Money仔身上!

三年-深刻的一幕

2006-10-28T15:58:00.000+08:00

十月喇，Money和Happy已經同我一起生活3年喇~~~ 印象最深刻的一幕係初初報到時，佢地還只係細細粒咁，跳唔到好高。當時Money仔好活躍，成日要挑戰難度，第一次看見他跳上窗台，跟住Happy又想學Money跳上去但跳唔到，於是Money仔就專登跳番落來在跳多次比Happy睇，雖然佢係無用任何言語，但我感受到那就是Money與生駒來照顧妹妹的一種責任感。

Happy本身就好嗲人，常常貼身跟著我，佢的確係令我好窩心。
相對起來，係Money身上，我看到他是比較"人性化"的，如果用一個人來形容他，我會覺得他像"楊過"，亦正亦邪。他有著做大哥的霸道，但同時亦有柔情的一刻，每當Happy嘔吐時，他必定會上次安慰他，他對Happy，對Bingo，對我，對這個家的種種關懷，實在太多太多，不能盡錄。

偷食月餅

2006-10-14T00:43:00.000+08:00

前幾天，和屋企人食飯帶了盒月餅番屋企，諗住第二天帶番公司的，諗住呢ｄ盒應該貓地唔會開到來食，於是我就咁將盒月餅放係廳，到朝早醒來，盒月餅唔見了，只係見到地上有個爛了的月餅，呢個月餅只係”表面”比”兇手””刨過下個面”，地上有ｄ月餅碎，應該係貓地開到盒”試食”之後發現唔o岩佢地口味就咁”pat"低。我清理好現場，開始走去搵番個”月餅盒”同其餘５件月餅，搵呀搵，原來個月餅盒比佢地玩到由廳去到我房個床下底，其餘５件月餅連獨立包裝”原封不動”的在月餅盒內。究竟貓地係點樣開到個盒，開完個盒，點去揀其中一個月餅試食，食落口果下佢地係咩感覺，最後又係點樣將個成個月餅盒玩到入房，永遠係個謎，如果有”閉路電視”可以拍下我睡覺和上班時貓地的所作所為就好喇!

媽咪:唔知道點解，我總係覺得呢次月餅事件的主謀係你，Happy!
Happy:車!又唔係咩奇珍異寶!

忙碌的媽咪。。。

2006-10-02T12:10:00.000+08:00

媽咪依家番5日工，本身應該好開心至係，但係呢份工忙到成日9點幾先放工，之前個星期六更加要番幾個小時執下手尾添!無可奈何之下，我唯有將key放係大閘前的地氈底，好讓鐘點可以有門口入幫手打掃。今次係第一次在我完全不在場底下阿芳上門，都有點兒擔心。
到四點，回到家，見到阿芳拿著貓玩具同貓地玩緊，我問阿芳，貓地點呀?!
阿芳: 佢地好好呀，佢地兩個(Money & Happy)係咁錫我呀! (指住Bingo仔)佢都開始同我玩喇!

放心晒~

Bingo:媽咪，你放心番工搵銀啦，我地同阿芳相處得好開心呀，你之後買番幾個玩具比我地就得喇!!

醒目仔Money!

2006-09-02T16:32:00.000+08:00

最近，每個星期六都有鐘點上來打掃，鐘點姨姨話最醒目係Money仔，起初幾次來，Money仔都跟出跟入，要"看"住個EE做野，今次，EE話或者Money仔熟了佢，無再跟住佢成日執野喇。EE係咁話Money仔好醒，好有性，佢話第一次搬佢地d cushion上檯吸塵時Money係咁撥番d cushion落地下，好似要話佢知道d野唔係咁擺。到第二次，EE一搬野上去，佢就即刻坐住係到搵隻手搞搞下咁。今次，EE一搬cushion上去佢就即刻走開，好似終於明白佢只係想執好ｄ野咁!!!

8月-感激我遇見

2006-08-06T16:23:00.000+08:00

每年8月，除了係媽咪的生日之外，亦是金兄喜妹的生日，雖然他們確實的出生日期永遠是個謎，但是從獸醫的推算，他們今年8月應該是3歲了!

係呢2年多的歲月，金兄喜妹令我重新去認識生命，信基督的人，會因為"神蹟"而將其全部奉獻主，但在我身上，我確切感受到"貓蹟"。

Money和Happy把我當初從一個只有"人類"所認知的世界中，帶到更廣闊的另一個世界，呢個世界有動物，有大自然，原來世間萬物，都要經歷多種考驗才能生存，所以我們要珍惜任何世界上的生物。

去年，媽咪所遇到一生前所未有的打擊，Happy用她自己的身體歷行去教曉我，無論遇到甚麼事，我都要堅強面對，找出解決方法。3位寶貝在我困難時，看著Money對Happy的不離不棄，Bingo插尿道喉被迫隔離，金兄喜妹憐惜的關懷，在我精神上擔演了極其重要的角色。而實際上，由於個人所面對的突變，由2個人變成1個人所面對的世界和考驗，貓地成為了我過去幾年由原地踏步再次重新振作的摧化劑，為了維持家園的完整，我重新於工作上尋找到新方向，追回從前所落後的。當每人都為了怕孤獨而逼不得已的去以自己來刻意遷就，我不用麻目追除附和，給周遭的觀念牽著走，我從他們身上學曉潔身自愛，自得其樂，保持自我的肯定，任何時候都清楚自己想的是甚麼。

雖然世上沒有一個宗教叫"貓神"或"貓教"，但這慨念已深深的在我腦海裡，對他們所作的奉獻，我是甘心情願，因為所得的回報，除了是不能用筆墨3言2語去形容，實在不是用數字所能計算出來的。

Money, Happy, Bingo, 感激我遇見!

媽咪: Money Happy, 生日快樂，你地要成日都咁相親相愛呀!

Bingo:我始終無阿哥家姐咁有默契，佢地連睡個表情都係一樣，真係血濃於水。。。

7月- 初遇Bingo仔

2006-07-16T20:10:00.000+08:00

突然諗番起，在去2年前的7月，在家初次遇見我的第3個仔--Bingo仔。。。

當時他只有3個月大，放工經過花糟，看見一隻dup耳貓在叫得嘶聲力竭，於是我立即跑到百佳買d貓糧比佢食野，如是者餵了佢幾天。。。我好肯定他本身就不是街貓，但來歷是怎樣，就真的不得而知，因為流浪貓根本就不會在那花糟咁大叫的。。。幸好當時有小雞幫忙讓他暫住，要不然，我就不能帶他"上樓"，今天亦不能有這"十二踏雪之家"!

3個月大的Bingo仔流浪在街頭，安靜地食晚餐。

食包了，安定的坐著看街，他現在也是最喜歡這坐姿呀!

兩兄妹能夠這麼快接受這個細佬，他又這麼融入呢個家，看著他優悠的晒太陽，真的很安慰!

6月3日-新床單+嘔毛+撒嬌

2006-06-04T12:20:00.000+08:00

期待了很久，終於儲夠分換呢套床單，上兩個星期專登走入西貢換禮物又無貨，係端午節那天終於check到上環有貨立刻就拿回家。星期六大執屋就把這個期待已久的床單換上，怎料。。。

今晨大清早起身去洗手間時，一摸床邊濕濕地的，原來我的lovely Happy已毫不客氣的在這新床單嘔了一灘毛!

或者因為lovely Happy知道自己咁做係不對，她今天採取"貓釘人"攻勢將功補過，寸步不離媽咪，甚至連媽咪大便也要嚷著要上媽咪的大腿，以痴身攻勢來溶化媽咪這夥心痛之心。。。

Happy:媽咪，整到床單濕了，又整濕你隻小手，我知錯了，不要唔理我呀~~

端午節-磅重

2006-05-31T12:30:00.000+08:00

媽咪: Happy, 端午節唔好掛住食粽，磅下幾重先!

4月29-30 -- 貓=女人

2006-04-30T13:59:00.000+08:00

很多人會把貓和女人拉上關係，因為，貓是相當善變的。。。

昨天，Money和Bingo為爭籃才輪流對雙方張牙舞爪

然後Money以Gigi Leung 的"勝利者"態度獨自在籃上洗澡，不時用怒bear眼神警告四周不要再來和他爭 , 而他的腳踝更留下打加後Bingo的一執白毛作為"勝利的象徵!"

今天，他們又"斷背"的老友記般一起在籃裡攬住嘆

4月22日- 自我鍛鍊的Money

2006-04-22T16:58:00.000+08:00

原來，貓對自己都有所要求，他們亦會想進步的。Money一向對自己的體格及身手要求很高，最近又發現他於跳躍的靈活度又再提升一層樓。。。

一年前，若浴屏關上，Money仔需要先在洗手盆坐跳，先跳到毛巾架，再跳上浴屏頂，才可以跳入企缸。

最近，Money可以只在馬桶頂坐跳，不需在任何終途站停留，就可以一下跳上浴屏頂。

一年前，他跳入浴屏後，如浴屏緊緊關上，他無力推門而出，只好待在浴屏後嘶聲力竭的叫救命。。。唉，頑皮何價!

最近，Money已可以找到這只有幾寸闊的位作跳台，一躍到浴屏頂自救出困局，不再靠媽咪了!

以上圖二及圖四，暫只有Money一個做得到，故此他的大佬位置在家中仍"屹立不倒"，不知道Money仔是否真的認為身為大佬，必需要一身好武功而經常自我鍛鍊呢?

媽咪:Money仔，我比十個叻你，以後你唔會再半夜哀鳴求救了!
Money:我只為了做貓界武林至尊，你半夜有否被吵醒與我無關。。。
媽咪:咁想問聲有幾多貓會同你爭奪呢個武林至尊呢?
Money:有在下，Happy和Bingo。。。
-_-

4月14日Happy派成績表

2006-04-15T12:14:00.000+08:00

每次帶Happy覆診，感覺就似家長日帶小朋友等派成績表，而衡量成績的標準，就是Dr. Grace對Happy腸內積便的情況，由上個星期開始，我就每日催眠式的和Happy說今天要帶她覆診，每天番工前對Happy說：記得要大便呀!放工回家又會問她：今天又無大過便呀。每晚他們吃完飯，我又會催著：Happy, 大便呀!!!就這樣家長式的催眠，今次的成績係--

"良"
體重 -- Good! 減了0.1kg, 依家係3.94kg
直腸情況--Good!無便便塞住

比"良"佢係因為佢有少少出貓，唔知道佢係未知道今天要看醫生，所以昨晚專登柯晒d便便出來!

媽咪：Happy, 其實你係未聽得明我講野，知道星期五看醫生，所以星期四將ｄ５５柯晒出來等醫生唔洗針針你呀?!
Happy: meow~~~~~~
媽咪：醫生希望你減到３.5kg呀，你仲要努力呀
Happy:meow meow~~~~

4月Bingo仔2歲

2006-04-09T23:56:00.000+08:00

不經不覺，Bingo仔已經2歲，今年無咩點刻意搞慶祝，但去年為了肥py的病而經常周車勞動和大灑金錢，實在已經很久沒有買東西給3位小寶貝，再加上轉新工，依家係時候添置一件新玩兒，於是就買下這"巨型貓樹"好讓貓地高興下。我起初以為，對貓樹最雀躍的應該是Money，但竟然爆冷最likey呢個貓樹的係肥py，一裝好貓樹就流連忘返，更玩到反晒肚添!

係過去一年，Bingo仔病過3次，其中兩次係尿道炎(因為食得太多貓鑵頭汁雪條而唔飲水)，一次原因不明的肚痛，呢個仔真係成日唔聲唔聲嚇我一驚，希望佢以後要健健康康，繼續做一個我屋企唯一唔會咬人的貓咪!!!

MHB:媽咪，你要努力d做野，買多d玩具比我地，"還富於民"，彌補平日番工無時間陪我地的時間。
媽咪:係既係既，我放工番來累晒無力同你地玩，你地要係呢個樹表演多d功夫報答番媽咪呀~~

4月1日-上班忙碌的日子

2006-04-02T15:37:00.000+08:00

這陣子媽咪剛番新工報到，每天番工時間達12小時，雖然媽咪公司同屋企距離只隔一條河，但角度問題我們3貓在家並不能監視到在對面河工作的媽咪，一日這麼長時間只得貓地在家，我們只好用最舒適的態度在家中享受大床和被舖。

媽咪:我番工前明明執好床，為甚麼放工番來張被會變成咁既???
貓地:依家天氣時冷時熱，我地睡覺當然要" kam"好被啦。。。

2月18日-開始食中藥

2006-02-19T23:56:00.000+08:00

2月18日帶Happy覆診加針炙，依家Happy體重保持正常4.02kg，Dr. Grace話Happy都有d便便係腸，但唔算嚴重同埋摸到好"林"，應該排出來係無問題。依家Happy keep住每三日就會柯到一條起碼2隻手指長的靚+光身的便便，我諗keep住呢個cycle應該都唔會有太大問題(希望係咁或會慢慢變2日然後就日日啦，希望keep到啦)

今次，Dr. Grace開始加多隻"中藥"比Happy,主要係認為以中醫角度來講，便秘係由熱氣做成，所以中藥會以針對"熱氣"為主，依家Happy療程如下:
乳果糖 (Lactulose): 每日7ml，分2餐，溝糧
西藥(幫助大腸蠕動)
西方草藥 slippery elm:每日一粒 (溝乳酪食)
中草藥"火麻仁": 每日兩粒，分兩次 (溝乳酪食)
蒙牛鮮奶一湯匙
糧：Eukanuba Low Residue Canned：每日一灌溝水糊仔狀
穴位按摩(做到就做)
針炙:兩個月一次

希望keep 住好!!!

Happy:細佬，呢排家姐心情好，我地一齊睡呀!
Bingo:家姐，你個身仲舒服過枕頭呀!

迎新春

2006-01-28T15:42:00.000+08:00

Happy:今朝媽咪落完街番來就見到呢盤野
Bingo:好似唔食得，係咩來呢?
Money:呢個叫"五代同堂"，象徵"家宅興旺，一家平安，聚守一堂"呀，要放係全屋的西南面

Bingo:希望來年可以一家平安
媽咪:一陣我仲會拿d"碌油葉"幫你地掃下，希望我地一家將雞年唔好的事都要送走!

弓槳蟲

2006-01-17T21:45:00.000+08:00

Money:近日有好多人對我地有恐慌，話我地會傳染弓漿蟲喎~~
Happy:其實d人都係對呢種蟲一知半解姐，我地街都唔出，無啦啦點會生蟲呀~
Bingo:係囉，其實只要媽咪佢地衛生d，基本上係好難可以係我地身上感染弓槳蟲，反而係佢地d大人出街食野要小心添呀~~
Happy:唔，媽咪都係網上面copy了一d資料，大家看看呀~~

弓漿虫最近新聞有報導，一個內地少女因為被她的貓貓所咬而導致失明。少女被咬三年，最近失明，醫生為少女驗血，找到了病因 - 弓漿蟲入侵腦部。

傳媒將呢件萬中無一既事件無張放大，被放到新聞頭版。近年人畜疾病互傳明顯增加，瘋牛症、口蹄病、禽流感，令公眾變成驚弓之鳥，人人自危加上報章雜誌的大肆渲染，最終受害的是萬千無辜的動物。因為人對疾病既無知，寵物由家中一份子變成家中一大害。無數動物被遺棄，甚至人道毀滅。

知識是救助這些動物唯一的工具。
弓漿蟲究竟是甚麼一回事?

弓漿蟲/弓型蟲(Toxoplasmosis)病症，是由一種叫toxoplasma gondii 的原生物引起的。幾乎所有溫血動物都可以是弓漿蟲的帶菌者，羊、貓、人，甚至昆蟲類、魚類以及蚯蚓等等。

弓漿蟲可以經兩個不同的途徑傳播，第一是受感染動物的肌肉，第二是受感染動物的排泄物。弓漿蟲的卵囊會隨著受感染動物的大便排出體外，而弓漿蟲則會出現在動物的肌內中。

貓貓感染弓漿蟲的原因，主要是進食受感染動物的生肉。香港的寵物貓，一般都只居於室內，日常主要以貓糧貓罐頭等等為主要食物，接觸野生動物的機會少之又少，感染機會真的不大。

養貓會令人受弓漿蟲感染不大，特別在香港的環境下。接觸貓貓以及處理貓貓大便只會增加我們接觸到弓漿蟲卵囊的機會。但貓大便中的弓漿蟲卵囊在離開貓貓身體後，需要24至48小時才可以形成有感染能力的孢子，所以只要每天清理貓貓的大便一至兩次，每星期亦盡可能以消毒藥水清潔砂盤一次，以減少砂盤中可能引致感染的弓漿蟲孢子，已可以有效地減少感染的機會。

基於貓貓感染弓漿蟲並不一定會出現任何病徵，所以為安全計孕婦/計劃懷孕的婦女，應盡量減少接觸貓砂盤(就讓你的另一半代勞罷)，以及弓漿蟲測試。

其實為了避免弓漿蟲感染，我們應該戒食未經煮熟的肉類。在烹調食物時，要記緊不要試食未完全熟透的食物。特別要小心未經煮熟的豬肉和羊肉。另外由於蚯蚓亦是其中一個弓漿蟲帶菌者，所以應盡量避免直接接觸泥土。如有需要接觸泥土，應配戴手套，接觸過後亦要記得洗手。

希望各位愛貓人士可以盡量轉載過篇文章，令更多人明白弓漿蟲是甚麼回事。不要讓無知，害苦了無數貓貓。

allergic(資料來自︰HKCats 會員 allergic 編寫)

新年願望

2006-01-02T00:32:00.000+08:00

終於和MHB有驚無險的渡過05年，經過艱辛及重重考驗的一年，媽咪只要一家完完整整，健健康康，快快樂樂，就已足夠，真的。MHB，你們要健康呀! 係到，亦罕有的post上全家幅合照!

媽咪：希望你們每天如照片一樣，緊守"食玩便瞓”的精神，食得好，玩得好，大小便好，瞓得亦好!
MHB:媽咪，今年一定會好過去年架!

12月25日--Bingo仔加入1週年!

2005-12-26T20:02:00.000+08:00

去年的聖誕，就是Bingo仔的加入的大日子，記得當時打算在書房做個"friend friend網"，希望隔開牠好讓MHB在安全的情況下互相熟習。當我從小雞處把Bingo仔帶回家時，Money和Happy均主動地走近Bingo的袋處聞一番，然後我再緊張地把Bingo仔放在書房，但他很快就把我自製的friend friend門衝開，找地方躲起來。

而Money和Happy於慌亂之中，找到Bingo仔的毛巾，於是不斷向毛巾聞，一邊聞，一邊失去理性地怪叫。於是，在不知可做甚麼的事候，我就走去裝為新成員加入而買的貓樹，或許貓地見又有新玩意，金兄和喜妹暫時放下癲喪，走來新貓樹八掛一番。

於頭一兩天，Bingo仔大部份的時間到是躲起來，只是近唔中想轉地方躲而會"貓咁腳"的思思縮縮的蒲頭再躲起來，每晚我也只好把Bingo留在廳，金兄喜妹和我在房，好讓Bingo仔可以放心出來走走，食點東西和飲飲水。

到了第二天的晚上，Bingo仔如由深山閉關出師一樣，出來伸個懶腰，再周圍戰戰兢兢的探索這個新家，而金兄喜妹側全程跟在Bingo仔後，但又保持著一點距離，觀察這位新弟弟在搞什麼科子!

到第三天，或許天氣凍吧，Money和Happy都紛紛上我的大腿看電視，Bingo仔亦很"social"加入，三個在我大腿和平的睡，估不到，MHB3個就這樣熟悉起來，我亦不用太擔心他們日後的相處!

Money:呢張桌球檯仔係去年爸爸x'mas party交換gift番來，媽咪見個高度幾適中，就用來比我地做飯檯
Happy:係呀，呢個兜係媽咪因細佬的加入而買的!
Bingo:但呢個兜已經比阿哥打爛了啦~~
媽咪:Anyway, 估唔到Bingo仔咁醒，咁快就識企好自己個位埋位食飯!

媽咪: 做貓奴少d腳力都唔得，當3隻貓在大腿上睡，我想也有超過30磅，不過難得MHB相處咁融洽，值得的!

Bingo:哥，多謝你咁睇我
Money:我有得做大佬，又何樂而不為?!

媽咪: Bingo仔，你是最聽話的! 只是有時為食了一點.

Bingo仔: 雖然我隻耳係dup了落來，但我其實好上鏡的~~
媽咪: Bingo仔，咁你有d咩願望呀?!
Bingo仔: 我希望我地一家人要身體健康，開開心心!

精力旺盛

2005-12-21T23:38:00.000+08:00

有了MHB之後，一直覺得黃貓是眾多貓之中最精力旺盛的，以下的一輯Money仔大戰毛毛鼠就可以說明一切!
(多謝美男非凡的拍照技術，把Money活躍的一面好好的拍下來!!!)

媽咪: 嘩，原來你成個身拉長都去到我條腰
Money:呢個只係warm up 動作咋!

媽咪：拿，你落力ｄ比你追到隻毛毛鼠如動作靚的話，後面ｄ罐頭就係你架喇!
Money:我一定會全力以赴，衝!

Money: 我要罐頭!我跳!

Money: 我都話我一定得架啦!吼!

11月26日--Good and Bad News

2005-11-27T15:27:00.000+08:00

Happy覆診，情況OK, 體重4.06kg，距理想體重差0.06kg (目標係3.5-4kg)。。。下次覆診係12月18日，會做埋針炙，日後會1-2個月做一次針炙保養一下，便秘藥可以減份量至每日1/4粒。

當媽咪心情稍為放鬆，Bingo仔的FLUTD又發作。。。唉。。。

Happy: Bingo仔，我情況終於得到控制，希望你都要生性，媽咪只係照顧我地又要番工，佢真係好累架，你要快d好番，咁媽咪可以輕鬆番d有多d時間休息，又唔洗咁緊張~~

Bingo仔:媽咪你唔好咁擔心，我會聽話飲多d水喇!

11月16日－－寶貝醫一番

2005-11-20T23:45:00.000+08:00

Happy:我地全家上電視，今次呢個節目紀錄了媽咪同我對抗巨結腸症的血淚史!!!

http://www.rthk.org.hk/rthk/tv/animalclinic/20051116.html

11月９-１３日:新朋友

2005-11-20T23:07:00.000+08:00

有位自稱"美男”的人帶了與Bingo仔差不多樣的Genki暫住幾天，呢位美少女不論樣貌，連佢蛇gua的性格，叫聲同咕嚕聲都同Bingo好相似，但佢成日只夠膽係佢勢力範圍停留!

Bingo仔對呢位樣貌和自己９成似的美少女充滿好奇，但佢”積極進取”的態度就似乎嚇親元氣妹喇。

Money:呢幾日我成日認錯你地，雖然你地對耳朵好唔同，但你地兩個都黑咪咪咁，都看唔清邊個打邊個
Bingo:我都好無奈。。。
Genki：最無奈係我，成日比你地當ET咁望住!搞到我食野都食得唔暢快!

11月８日-Bingo仔也病了

2005-11-19T16:57:00.000+08:00

媽咪:Bingo仔，媽咪要帶你出去睇醫生，因為你柯唔到尿呀，警告你以後唔準再偷飲Happy D牛奶呀!
Bingo仔:媽咪，只要唔洗帶飛碟，唔洗困籠，我Bingo仔咩都聽你話
媽咪:仲好講，醫生幫你帶好飛碟同插尿喉你乜都整甩晒，你依家好番真係執番身彩呀!

10月29日覆診

2005-11-03T22:05:00.000+08:00

Dr. Grace幫Happy摸肚仔，confirm係做手術之後2個星期，再無結實的便便積聚於腸內，情況算係控制到。

依家Happy需要食一個月便秘藥，每日3ml x 2 Lactulose。一個月後覆診，情況OK的話各方面會再減份量。

希望下個月情況仍然受控!

雖然要Happy 100%康復的機會係好渺茫，但係都希望她的腸能盡量縮細番，縮得幾多得幾多!

2005-11-03T22:04:00.000+08:00

Money: Happy你要聽媽咪話食藥，唔好再扭計，知道無?
Bingo:最近媽咪好得意，成日將d食完貓罐頭加水製成冰無啦啦比我地當雪條食，食落又幾好味。仲有添呀，每日都有dd濕糧送乾糧，胃口當堂大晒!
Happy:係呀，你地要多謝我啦，媽咪為了想引我吸收多d水份所以專登咁做架!

10月24日

2005-10-24T12:26:00.000+08:00

Happy:依家每天媽咪都會幫我做穴位按摩，我每日都有稀的便便，但媽咪話始終唔知道我所食野的份量成唔成正比，所以都仲係有d擔心我，同埋每次做完穴位按摩我都會不自覺的流d少少便出來。

由於依家太多藥食緊喇，媽咪仲未開始比草藥我食，佢話等我心情好d先喎。

2005-10-24T12:19:00.000+08:00

Happy:呢個就係我針炙的情況，由於當時做埋麻醉，所以落針位特別準。

2005-10-23T11:04:00.000+08:00

Happy:Dr. Grace幫我用電針，希望效果可以持久d。依家媽咪每日都會幫我做穴位massage，好C服!

10月16日 - 病情反覆

2005-10-20T16:19:00.000+08:00

至10月14日覆診看過x ray照再加上Happy上個星期大便辛苦的樣子時，我知道她的病情再惡化已係事實，雖然她仍然有便便，但我知道再拖落去病情只會繼續惡化，我不想拖到最遲才後悔。

經呢兩個星期不斷上網看一些外國的forum，似乎正常療法未必適合這一個case, 而星期六Happy只吃了少許東西就嘔，於是我把心一橫book了Dr. Grace嘗試針炙。Dr. Yip亦很好，他一知道我想帶Happy嘗試針炙時，亦和我談了很久我該注意的地方。

星期日晚，Dr. Grace摸了Happy的肚仔，所說的和Dr. Yip差不多，第三次洗腸已係在所難免，我需要把Happy留過夜，我心痛得哭了起來。

在家裡乾著等的我到12:30等到醫生的電話，洗腸手術已完成，針炙亦做好，我星期一可以接回家。

到星期一早上，我打到診所約接回Happy的時間，Dr. Grace說Happy精神OK,亦已自行排出便便。當我到診所時，她已安靜的在貓袋裡，或許她喜歡貓袋有她熟悉的氣味，又或者她也急不及待要我接回家。

接著，醫生和我解釋之後對Happy的照顧:
復十天藥--
Metrouidazole 200 + Baytril 50, 腸胃消炎藥
Cisapride 10mg, 便秘藥，貓可以長期食，人不可
其餘--
Slippery Elm 西方腸胃草藥
Lactulose (5 ml x 3times per day) OR Kristalose (3/4 tsp / day)
milk 1 table spoon per day
tuna juice / clam juice增加飲水量
穴位按摩:
胃俞，脾俞，大腸俞

糧: Eukanuba Low Residue Adult Feline canned food --低殘渣食物，減低便便份量及大腸負荷

驗血一切正常

這次很多謝Vicky的幫忙!!!!

2005-10-19T22:47:00.000+08:00

Money: 唔見你一晚，我地個個都好擔心你
Happy: 我係診所要做手術同針炙，總共吉了13支針，所以我pat pat比較dirty。。。

2005-10-19T22:46:00.000+08:00

Money:咁我幫你清楚下其他地方，你專心清楚你個pat啦!

十月十四日覆+打預防針

2005-10-15T17:07:00.000+08:00

Money: 5.2kg
Happy: 4.3 kg(短短2個月輕了0.4kg)

Happy照x ray, 醫生情況開始嚴重番，近肛門位的便便較稀，應該可以排出，但較上的位置有較粗和實的55，如排不到就要洗腸，連續兩晚我要替Happy灌腸，我又要提高警覺，唔可以再比佢第三次洗腸。

Money同Happy佢地知道咩叫打針，醫生看牙摸肚都得，但醫生一隊支針埋去就發茅。。。佢地仲feel到係邊隻手係我的摸佢，邊隻手摸佢係生保人。。。唉，一次惡過一次。。。

Happy照完X ray，剛好Money也在醫生檯，兩個貼在我身旁，震過貓王的係咁震。。。

2005-10-15T17:02:00.000+08:00

Money: 我地今天比醫生吉針，好彩有Happy你陪住我
Happy:媽咪話我地兩個震過貓王喎~~~

2005-10-15T17:01:00.000+08:00

媽咪:Happy, 你要聽醫生話，食藥，飲多d水，大便呀!
Happy:媽咪~~~ meow~~~

2005-10-15T16:59:00.000+08:00

Money: 妹妹，今天係診所同你一齊看x-ray，我同媽咪都好擔心，我地好希望大家一家人同步過十幾廿年個寒冬架，你要加油呀!!

2005-10-15T16:58:00.000+08:00

Bingo: 家姐，雖然我今次無陪你去診所，但會在家裡為你打氣，你要聽媽咪話快d好番呀!

兩週年大慶典

2005-10-04T22:46:00.000+08:00

2003年10月4日大日子終於都到了!2年前的今天，我們懷著興奮的心情到公主道愛協去帶我們熱切期待的Money 和Happy回家。到了愛協，搞好手續後，職員開始教我們怎樣料理兩個小寶貝，這位職員算係好"專業"，即席示範為Money和Happy杜蟲，洗耳朵，剪指甲，還寫下之後一年他們需要杜蟲的日子。看著給餵藥的Money幾番爭扎，食完又把藥吐出來來回幾次，剪指甲又狂烈反抗，我和Jack哥看在心裡都一額汗，究竟我們能夠辦到嗎?幸運地初哥的我們，都十分聽話，回家不敢逆意，到現在我還能堅守每兩星期替他們洗耳朵及剪指甲這習慣!還記得當搞手續時，2個挑皮搗蛋鬼在辦公室內四處"貢"，還不經意的把收音機聲量調大了，不得了，我已很極度超級心急想盡快回家!

愛協送了一個特製的紙盒裝著當時只得兩包維他奶大的小Money和小Happy，我們買了一包Advance Kitty糧和Hill's Kitty糧。因為Advance是Money和Happy在愛協食開的糧，但Hill's側營養較豐富。

離開愛協後，Jack哥就駕著車子到旺角和平道買貓用品，我們分別買了:
貓樹
貓玩具
水兜
貓砂
貓砂盤
虱comb
洗耳水

這時，在車內抱著Money和Happy的我，等得又著急又肚餓，我不時從盒的窿窿裝進去，Money和Happy也等得睡著了。

好了，買好野，Jack哥就去買老麥，當這兩小寶貝一嗅到老麥的味道，即時醒過來，這時候，終於回到家。

我們先放好砂盤和貓砂，裝好水及食物，然後戰戰競競的打開盒子，兩個小伙子急不及待的走出來探索新世界，Money很快就找到砂盤並放下一篤很臭的5，由於職員說杜完蟲的5係特別臭，所以我們沒有什麼，但大鄉里的我們真的慨嘆貓是如此醒，貓砂的奧妙!由於我們本身對貓咪認識不多，故此我們沒有太緊張，只是好奇的多，2個好奇的人對2個好奇的貓咪，原來對他們日後的適應力係有很大的幫助。

好清楚記得，Money仔如廁後，走到Jack哥面前聞他的腳，然後他的手在鼻前fick了一fick，像是說:嘩，好臭呀隻腳!然後就行開，Money和Happy表現完全沒有驚慌，立即慢慢地探索小天地。

不久，我們出街，由於怕他們不懂"世情"亂爪東西，於是我們只留他們在房中，到依家我才知道錯有錯著，貓到新環境原來應先從一個細空間開始，這樣他們會容易適應。

回到家，我們和Jack哥及他細佬佢地在廳，這兩小伙子應該已經在短短幾小時內摸熟新環境，從房中聽到廳有聲，已嘶聲力竭的叫喊，像是說:不要唯忘我們呀!我也要參加你們的派對!!!

於是我們逐一入房和他們玩耍，到朋友走掉後，他們突然走進貓樹的窿，原來他們已經很倦自己找地方睡著了，當時並沒有特別預備貓地睡床的我，還為了:"他們會否跳上床睡呢"這問題纏擾著，貓地如此自覺找地方睡，我又暗中驚訝，貓地，實在太聰明了。。。

他們一覺睡天光，但突然家裡多了兩個成員，想著:我要照顧他們一世時。。。我整晚很不習慣，睡得不好。。。

而2年後的今天，屋企的貓床/竇已佈滿屋內的每一個角落，然而，貓地最喜歡還是跟著我，我在廳，他們在廳睡，我在書房，他們在書房睡，我在床，他們和我在床睡. 自於怎樣從不能接受和貓地睡到完全妥協並十分享受大被同眠的關鍵過程，日後興之所至時再說吧!

(下集預告:和Money & Happy感情大躍進。。。)

2005-10-04T22:25:00.000+08:00

媽咪:Money仔，你細細個就已經成個lion king咁，好有大佬feel呀~~
Money:我根本就係大佬!吼!

2005-10-04T22:24:00.000+08:00

媽咪: Happy你覺唔覺自己細個時成隻老鼠咁呀？！

2005-10-04T22:15:00.000+08:00

媽咪: money你米係到扮文靜啦!
Money:話晒我當時第1日到，點都要比d甜頭你地既!

2005-10-04T22:14:00.001+08:00

Happy: 哥哥話呢隻腳好臭，等我聞下先!
Money: 記得"um"住個鼻呀!

2005-10-04T22:14:00.000+08:00

Happy: 等我週圍視察下環境先!

2005-10-04T22:13:00.002+08:00

Money:爸爸，打獵咩!抱好ｄ得唔得呀?!

2005-10-04T22:13:00.001+08:00

Money:呢兩個人到唔知道點做人阿爸阿媽，抱到我地好似打獵番來咁！一ｄ都唔C服!呀~~~
Happy:阿哥，好逼呀，唔好隊個頭埋來啦，推開你先!
媽咪：隔離個朱肉榮唔著番件衫真係大煞風景!!!

2005-10-04T22:13:00.000+08:00

媽咪：好辛苦先捉到你地影相。。。笑下啦，唔好發晒死光好似好驚咁啦!
Money:你試下一日你去到新環境係咁比人強行咁捉住影相，你驚唔驚呀?!

2005-10-04T22:11:00.000+08:00

Money: 救命，點解又係我???
媽咪：我都唔記得點解，或者果時你阿妹走得好快捉唔實掛?!
(當時Money仔的手板腳板比例上已經好大，所以今天的他，骨架相當巨!)

2005-10-04T22:10:00.001+08:00

媽咪：Happy，滿唔滿意呀，一來就有３種新玩具!
Happy:算係合格啦!

2005-10-04T22:10:00.000+08:00

媽咪：睇下你地幾幸福，第一日來就有貓樹，又唔洗困籠，仲兩兄妹一齊接番來你地有照應!
Money:chit!係你地自己果時乜都唔識，人叫你買你又買，人叫你領養２隻你又應承之麻!不過咁，咁既安排都實在唔錯!!!我好滿意!

邂逅篇續集-改名記

2005-09-28T20:51:00.000+08:00

上回講到，我們還欠住址証明，於是我們要留待10月國慶的假期才可以用到爸爸的私家車去接兩個寶貝回家，於是，係呢個時間，百無了賴但心情興奮的我們，就忙著討論兩個小寶的名字叫什麼好。

這次，是媽咪我一生人中第一次替小動物改名，我們的準則為:
順口
容易讓人記得
聲音響亮
好意思

於是，一身金啡色的貓仔，由於他像是一張一千蚊紙，他就叫Money，咁有Money當然都想有Happy，妹妹就叫做Happy喇。

從此以後，到我家的人當不懂分誰是Money誰是Happy時，只要記著似1000蚊紙的一個，貓如其名, Money，就自然會認出誰是Happy了。

待續。。。

邂逅兩週年

2005-09-21T22:23:00.000+08:00

兩年前的今天，我給Jack哥帶到愛護動物協會，當時待領養的貓兒都是靜靜的坐在窗子，希望等候有心人的出現，記得在最埋的窗子裡，有4"條"細小的東西，一條一條的逼在窗子裡睡覺。這4條貓仔，2隻是啡色的，2隻是灰黑色的。我們都給這4條小東西著迷了，於是厚著面皮的叫職員把窗開上，這4條小東西就立即醒過來，紛紛像幼稚園生放小息的樣子跳上地上玩。說真的，當時在我眼中，他們4個都無甚分別。我把其中一隻勉強的抱上來，生蔬及帶點慌亂的手勢，貓兒抱不到1分鐘便跳走了。職員說，牠們當時只得2個月大，為了讓他們更快適應新環境，我們要同時領養2隻。Jack哥竟然沒有待我點頭，就已應承了職員。他說他負責選男，我負責選女。男的就是啡色的兩隻。女的就是灰黑色的兩隻。

Jack哥選了當時最頑皮的一個，而我則選了一隻和我眼神最多交流的靚女，就是今天的Money和Happy。兩個對養貓一竅不通的人，連貓砂也不懂是什麼的我，剛好我們又沒有預備住址証明，所以我們亦不能立即帶走他們。那我們只好林急抱佛腳，買了本"101養貓XX"的書，粗略的得到養貓初步慨念，再到旺角的pet shop看看有什麼東西需要預備，好好迎接兩個新成員的加入。

之後的一個星期，心情既興奮又緊張，每天都在倒數著這特別的大日子的來臨。。。

2005-09-21T21:52:00.000+08:00

為了紀念呢個重要日子，媽咪專登係愛協"一日一貓日曆"的9月21日，登上你們的照片。

2005-09-21T21:50:00.000+08:00

媽咪2003年9月21日，係媽咪人生的一個重大的"轉捩點"。
Money & Happy:但係呢個calender將我地兩個張相調轉了呀!

中秋節快樂

2005-09-19T11:47:00.000+08:00

一年一度的中秋佳節又到了，自媽咪入了呢間公司工作後，每年中秋節前都需要到國內的工廠參加中秋節晚會，仲要過夜添。今年好彩搵到粟米叔叔到十二踏雪之家照顧幫忙照顧MHB一晚的膳食及清理大小二便，粟粟照料周到，不僅做了基本工作外，更加陪玩，影相及掃地(雖然第二天回到家又再凌亂)，但實在感激萬分!

據說，當粟粟一開大門，MHB見到的不是他們所熟悉的媽咪時，Bingo仔即刻退後躲在房視察，但不到十分鐘內，已熱情地和粟粟玩毛毛棒。

粟粟真好，帶了相機拍下我不在家時的MHB是怎樣的。。。

2005-09-19T11:43:00.000+08:00

Happy:有陌生人來到，一定要check下佢地所攜帶來的物品，看看有沒有可疑物品如貓糧，貓草之類的東西。。。
你地果邊點呀?

2005-09-19T11:42:00.000+08:00

Money & Bingo: 報告報告，我地呢邊無可疑!

2005-09-19T11:41:00.000+08:00

Happy: 粟粟，未掛住同我地影相，你今次來的目的，係餵飽我地呀!!

2005-09-19T11:40:00.000+08:00

Bingo: 粟粟，你係未唔知個兜係邊呀，個兜係到呀，快d啦!
粟米: 我要張你地的一舉一動影低，唔係點向你地媽咪交差呀，米咁心急啦!

2005-09-19T11:39:00.000+08:00

媽咪:因乜我一唔係到，你地3個作反企錯晒位!好彩粟粟醒目，張d糧調番好個位，你地奸計唔會得逞!

2005-09-19T11:38:00.000+08:00

Money: 粟粟，多謝你來照顧我地，又搞到你晏了番去睇沙沙同Ivy，你幫我地3個問候下佢地呀，同佢地講聲唔好意思呀!

2005-09-19T11:37:00.000+08:00

Happy: 粟粟，thank you 你掃得個地咁乾淨，我地食飽可以放心反晒個肚睡~~

2005-09-19T11:36:00.000+08:00

Bingo:媽咪你放心啦，我地食完野就反肚睡，就知道粟粟照顧得幾周到啦，得架喇，我地唔會倒亂的!
媽咪:但你地吼粟粟走了就倒亂，番到屋企d水倒瀉晒，d沙周地都係，執到我。。。
MHB: 鬼叫你唔番屋企呀! >.<

貓薄荷

2005-09-11T00:14:00.000+08:00

有日Auntie Springroll係大埔帶KK同善心去跑馬地看醫生時，專登兜入官塘送棵手種貓薄荷樹，係到我代表MHB答謝Auntie Springroll的好意並祝佢的所有仔仔女女同佢都健康。
貓薄荷（Cat Nip)係貓的大恩物，因為貓兒食了cat nip就自然會有興奮relax的反應，最常見的是在地上打滾，而呢種植物，係無任何負作用，有些（貓草)或有助吐毛的作用。Catnip主要分兩種, 種的和乾的，今次Springroll所送的係種植出來的Catnip。而並不是每一隻貓都會對Catnip能起反應。
幸運地，MHB 都對貓草反應雀躍，尤其係八卦的Money.但總括來講，貓地對乾Catnip的反應較Crazy!!!而最出奇的是，貓地竟然最大反應就是之前Springroll載著Catnip所用的袋，或許因為留有很強烈的味道，Money和Bingo 更因爭奪呢個袋而放棄大家的兄弟之情大打出手!

2005-09-11T00:09:00.000+08:00

MHB:意二，有新野喎~~
媽咪：係呀，呢棵貓簿荷係Auntie Springroll送比你地架!

2005-09-11T00:08:00.001+08:00

Money:各位，我身為大佬，等我帶頭試下先!

2005-09-11T00:08:00.000+08:00

媽咪：點呀？D cat nip點呀?
Money:好味!

2005-09-11T00:06:00.001+08:00

媽咪：呢個袋無貓草架喇
Money:但呢個袋有強勁的貓草味喎!
Bingo:我已經霸了，你地唔洗講咁多。

2005-09-11T00:06:00.000+08:00

Bingo:同我爭?!
Money:我綽號係小龍，你唔好當我流啦!

2005-09-11T00:04:00.000+08:00

Money: 你係我既~~~我贏喇!

2005-09-11T00:03:00.000+08:00

Money:回味無窮。。。

不停下雨

2005-08-22T23:42:00.000+08:00

這個星期，雨不停的下，黃色暴雨警告從星期五掛至星期六，聽粟米說在他屋企附近看見20多隻流浪貓，大部份也只有3-4個月大，見到身上有貓糧的粟米紛紛擁來討吃，或許因連日的大雨已好幾天沒有人餵他們食物所以到顯得很肚餓，他們為了填飽肚子，全部都在暴雨下身體被淋透了。雖說大自然係需要雨水，祈求上天能安排下雨和晴天平均分配些。看著這些小動物掙扎求存，為的是保多他們不知道還能活多久的生命，希望自私的人類能多點明白，不論人或動物，有生命的就要尊重，不要放棄自己，亦無權干涉打擾動物的世界。

2005-08-22T23:41:00.000+08:00

雨。。。仲要落幾耐?

2005-08-22T23:40:00.000+08:00

媽咪:Bingo仔，去年夏天好彩我及時將你交比小雞照顧，如果唔係當時得3個月大的你都未必熬得過舊年場大雨，當時好多街坊都話你好好彩，如果唔係今天你都唔知道仲有無機會係樹睡到反晒白眼發晒開口夢咁甜喇!
Bingo仔:曾經做過流浪貓的我，願天下的動物都有溫飽啦~~~

8月12日--2歲喇!

2005-08-12T17:56:00.001+08:00

Money同Happy終於2歲喇，呢年總算過得有驚無險，係去年12月，Money就患有尿道炎，Happy，側於7月中逃過一次死門關，昨晚望著他們，再望望他們2個月大的照片，身型上的轉變，真的教我感到驕傲，能替他們擋過這麼多劫數，到現在還堅強快樂的生活，貓地的意志可加外，我亦想讚讚自己的功勞，當然，看到他們依家活潑地生活著，已經是對我最大的鼓勵及獎賞，今年，除了他們兩個各自都曾生病外，最大的欣慰，就係他們很欣然接受新成員的加入--Bingo 仔. 希望，貓地一直和我快樂的生活著，不要再嚇到媽咪鼻哥窿都無肉了。。。

寶貝們，多謝你們，教曉甚麼是堅強，忍耐，接衲和純真地表白，希望你們健健康康，快快樂樂。

2005-08-12T17:56:00.000+08:00

Mummy: money & happy, 你地2歲喇，生性喇，要健健康康，唔好再嚇到媽咪鼻哥窿無晒肉呀!媽咪唔嚇得要專心做野搵$比你地有好d的生活，知唔知道?明唔明?
Money & Happy: 我只知道生日大晒!
Mummy:但今天都係mummy生日喎，聽話好唔好???

2005-08-12T17:55:00.000+08:00

Mummy: money仔，你生日願望係咩?
Money:好多好多老鼠仔玩具呀!

2005-08-12T17:54:00.000+08:00

Mummy:Happy，等媽咪幫你許願，就係成日咁Happy，快d好番晒，"朕"住有靚5柯，唔洗再成日覆診驚驚，好唔好?
Happy: 仲有，我想Mummy定時番屋企唔好要我地等開飯!!!

8月2日覆診+打針

2005-08-06T17:35:00.000+08:00

不經不覺，原來係麗港城遇到Bingo仔已經有1年零1個月喇，今個月就到期打防疫針，剛剛肥py又係時間覆診，於是決定一次過帶他們2個去見醫生，今次又要多謝Hebe媽百忙之中幫手"拿"貓，一個人拿著20磅實在難度幾高，亦好彩有Hebe媽幫手拿著Bingo所以我亦免去搭的士的費用。

今次第一次帶Bingo 看醫生，心情有d緊張，他原來都有4.2KG，Bingo雖然去到診所有點兒害怕，但葉醫生替他探熱，看牙各種檢查過程都相當順利，看來葉醫生給Bingo仔的高低耳及他"俊俏"的臉孔吸引著，逗得醫生笑到見牙唔見眼!在檢查期間，Bingo時常走到家姐的袋前問候她，這個細佬都算有心!

至於肥py呢，一出貓袋就哀鳴喇，或者佢仲未忘記上個月連續兩天洗腸手術的痛苦啦。葉醫生說她肚內的便便仍算多及粗，但已經無咁"hard"喇，所以他建議張Happy食藥的份量稍為增加少少。兩個月後再覆診。今次肥py體重為4.7kg, 比上個月輕了成1.1kg咁多呀!希望肥py除了腸胃方面有所改善之餘，更可以減肥啦，不過至從呢場大病之後，把她抱上手的感覺的確輕盈了不少。

2005-08-06T17:29:00.000+08:00

Money: 聽講阿媽又要帶你地出街喎
Happy:係呀，又係看醫生囉
Bingo:家姐，聽聞今次我會同埋你去，打果d咩咩咩防疫針呀!
Mummy:你地幾個係到細細聲講乜呀???

2005-08-06T17:28:00.000+08:00

Mummy: Bingo仔，今次比10個叻你!你去到醫生到算幾淡定又逗得醫生好開心。仲有呀，番到屋企餵你食杜蟲藥估唔到係咁容易，媽咪錫晒你!!!
Bingo:洗乜講，醫生仲讚我鵬牙乾淨添呀，阿哥家姐，學野喇!
Mummy:你鵬牙乾淨都係多得我平時幫你刷牙至喎!

2005-08-06T17:27:00.000+08:00

Mummy: 肥py，帶你看醫生姐，唔洗飛機耳晒呀?!
Happy:唔驚就假喇!嚇到我當堂輕了成1kg。驚驚~~

2005-08-06T17:26:00.000+08:00

Money:個個出晒街得番我一個係屋企，我要告你地"留下貓兒獨自在家"呢個罪行，wuu~~~
Mummy:你好想出街比醫生桔背脊?好呀，10月輪到你喇!

飛隔宅呀~~~~

2005-07-25T01:11:00.000+08:00

有日放工回家，開燈竟然見到隻"飛隔宅"，我猶豫了好耐，終於，決定派Money去探察"軍情"，充當"軍司"的Money帶隊，實際跑腿的"捕快"其實係Bingo, 我同Happy就做平民從後看著事情的發展，結果，Bingo不負所望，將"飛隔宅"捉到並"擔住"其戰利品，雖然隔宅並沒有當場斃命，但亦已奄奄一息，事實上，我原意只係希望派他們三個追趕下隻隔宅好讓隔宅飛出街，並沒有想要有這場暴力事件的發生的。。。

2005-07-25T01:10:00.000+08:00

Bingo:隻隔宅係我既戰利品，邊個拎走佢呀???
媽咪:仔，你叻晒喇，但唔好食隔宅呀，你有咁多好野食唔好食隔宅呀!

7月10日--康復中

2005-07-11T00:19:00.000+08:00

這個星期，Happy曾徘徊死亡的邊緣，幸好得到及時的搶救，現暫時脫離危險期，並在康復的階段中。這些日子，身為媽咪的要代我們一家大小向很多人道謝，這些期間給予我們莫大的支持，實在萬分感激，排名不分先後:
柏域獸醫診所:葉枝坤醫生及診所職員，很感受到你們對Happy絕不放棄的熱誠及關注，我知道洗腸是一件dirty的工作，你令Happy能夠渡過難關，你們功不可沒。
Brenda & Damon: 多謝你們幫手找很多有關巨結腸症的資料
Hebe媽&阿迪:多謝你們幫忙替Happy通便，這對她的進度有很大的幫助，另外多謝Hebe媽上來幫忙執屋，這幾天奔波勞碌，上班，上大陸，帶Happy做手術，真的倦透
貓88: 多謝你寶貴的意見，分析各種事情的利與弊
三寶的外公和外婆(即本人的parents):多謝你們對Happy的關心，幫手車罐頭及津貼買糧，haha。這是很實際的幫助。
Peace版版友，Wing, Tina, Mr. Hope:多謝你們的鼓勵
Money: 謝謝你，這幾天你很關心你的妹妹，每次餵完藥就上前幫妹妹清潔，Happy必定感到你的支持的，而你亦靜靜的不對我發出苦悶的牢騷，很多謝你的體諒。

現在就讓我說說這兩個星期的事情吧!

2005-07-10T23:45:00.000+08:00

Happy:多謝各位關心我的朋友的支持，我會好好保重身子，希望快d好番到時再招呼大家到寒舍作客!

Happy抗戰2星期!

2005-07-10T23:40:00.000+08:00

6月27日
見到地上有幾粒很hard的屎，好像有一陣子沒見到Happy拉很大堆的便便，應該又便祕了。

6月29日
Happy沒心機進食，無精打彩，很擔心，於是book appointment 放工帶Happy看醫生。葉醫生說摸到Happy有很大篤便，立即幫她通便但不是有太多便便放到。

6月30-7月1日
這幾天Happy都有便便，但不多, 繼續食藥。

7月2-4日
Happy沒有便便，想起醫生說他有個case係有隻貓3個星期沒有便便，最後連通也通不到，要慢慢死去，我就很害怕，於是決定帶她覆診並照X-ray.

7月5日
Happy 證實患"巨結腸症"，醫生替Happy麻醉，照X-ray,我並沒有看X-ray醫生便決定幫Happy做洗腸手術，等了2小時，醫生很凝重的和我說，Happy的情況比想像中嚴重，他並沒有很大把握，叫我做定心理準備。她主要是因為盤骨太細，而便便亦大，於是不夠位出便所做成的。那時主要有3大粒便頂著，當日的手術只清除了一大粒，本身醫生希望Happy留院掉鹽水，但一想起留Happy在診所，Happy必會很害怕，我和Money亦會很擔心，所以堅決帶她回家。醫生給我藥幫Happy通便。
回到家，很心痛，麻醉藥還未散盡，Happy很驚我，不準我摸她，她很累的想休息，我和Money都想接近她安撫她，或許是她剛受手術的折磨，不領我們的情，Money不放棄的走去關心她，她卻fe Money,看盡眼裡不是味意。

7月6日
阿迪一早上來幫Happy通便，她即時放了少量流質的便便，我風塵樸樸的上大陸再趕回來，帶著沉重的步伐帶Happy再到診所做洗腸手術。等了兩個小時，終於手術完了，葉醫生今次的樣子輕鬆了很多，他拿著Happy洗腸後的X-ray，說其餘兩粒已打散了很多，Happy的盤骨應該夠位讓便便出。醫生說，昨晚Happy只得2成機會生存，今天就有5成，其餘5成，就要看我們之後給她的treatment是否足夠。醫生高興的說:辛苦的手術係值得的!
醫生分咐，明早再給她通便，食藥，7月8日再看情況是否要覆診。
回到家，Happy很累，亦沒有之前那天的驚恐，但她的麻醉藥未散，卻想周圍行，未到砂盤，已經在地上小便了。。。

7月7日
Hebe媽幫忙執屋，我成機叫她幫忙捉住Happy通便，通完便，Happy即時柯了很多大便。 Happy還很累，但連日來沒有食過甚麼東西的她，胃口大好。

7月8日
起床，第一件事check砂盤，Happy很醒，即在我面前大便，我可以安心上班。
下班，正打算趕回家帶 Happy看醫生時，葉醫生打電話給我問Happy的情況，我一五一十的報告給他，他說情況滿意，可以不用帶她照X-ray,那也好，周車勞動對Happy來講都元氣大傷的。

7月9日
Happy可以跳上廚房檯，證明已經精神好多了

7月10日
出街很掛念他們，拜完山就回家，Happy又表演便便給我看

現在，Happy要食W/D罐頭及滑腸藥，最重要是確保大便問題不能惡化。

Happy, 加油呀!

2005-07-04T23:00:00.000+08:00

一直，Happy的便秘問題都在纏繞著我，雖然4月看過醫生，略有好轉，但最近又再惡化，之前也還好，她每隔幾天就會"大解放"周圍放，但最近，她連"大解放"也感到很困難，看她的樣子，連進食，飲水也提不起勁，更沒有八八掛掛周圍走。。。於是再帶她見醫生，現正仍在尋求解藥中，這幾天，因為太緊張的關係，我這個媽咪有點失眠，半夜也要出廳看看Happy還好嗎，看看砂盤有沒有便便。。。再抱她和我一起睡才能安心一點。Happy，你要加油呀!我和你過了這麼多關，這次你一定要勇敢過渡，快d柯d靚屎比媽咪睇呀，唔係媽咪就會變"熊貓"喇!

2005-07-04T22:57:00.000+08:00

Mummy: happy我真係好擔心你，你快d柯篤靚屎來比我看啦。。。
Happy:我都好想呀。。。邊個可以幫我呀?????

新屎坑

2005-06-23T22:21:00.000+08:00

當以為已經把所有爸爸的舊東西歸還時，執拾東西時又發現有爸爸的物件，今次找到其中的一件物件是爸爸的袋，當我想把這袋放入爸爸以前的抽屜裡的時候，貓地又開始"大搜索"一番，其中"玩袋之皇"Bingo仔更加不斷在爸爸的袋進出進入，或許他們亦沒有甚麼幾會再見到爸爸，現在我就只隨意把袋放在地上，貓地早晚無聊都會輪流到這袋休息，或許，他們當作自己是在爸爸懷裡睡覺吧。

2005-06-23T22:04:00.000+08:00

Bingo:睇下我幾威!第一個登陸!

2005-06-23T22:02:00.000+08:00

Mummy: Bingo仔，你兩隻耳仔去晒邊呀?!

2005-06-23T22:01:00.000+08:00

Bingo仔:霸得咁辛苦，等我係到睡番覺先!

2005-06-23T21:58:00.000+08:00

Happy:終於輪到我用睡袋喇

2005-06-23T21:57:00.000+08:00

Happy:夜晚食完飯又去睡袋睡番覺先!

久違了的IT袋

2005-06-23T21:56:00.000+08:00

上年，他們曾經很喜歡在這IT袋睡，但到了冬天，IT袋就被冷落下來，由於"主子"沒有明確的吩咐，所以我亦不敢"立亂"把這個IT袋丟掉。結果不出所料，夏天一到，IT袋又再受"主子"的重用。

2005-06-23T21:55:00.000+08:00

Mummy: Money仔，洗唔洗嘆到"浪"住隻手呀?!
Money:請勿打擾，熟睡中。。。